Вечерва на стадионот „Паркен“ во Копенхаген беше избегната вистинска спортска трагедија, откако Кристијан Ериксен колабираше на теренот, што доведе до прекин на мечот меѓу Данска и Финска на Европското првенство.
Фудбалерот на Интер загуби свест и неколку долги минути докторскиот тим не можеше да го реанимира, но за среќа успеа и тој е стабилен. Фановите на трибините, соиграчите и играчите на ривалот беа во шок, многумина во солзи и неверица. Мечот официјално беше прекинат, ама ќе се доигра, а навивачите останаа на трибините во недостаток на информации кога Ериксен беше изнесен на носилка и прикриен.
Сепак, во тие моменти кога играчите си заминаа и Ериксен беше веќе далеку од теренот, се виде вистинската убавина на фудбалот, фановите на Финска и Данска заедно скандираа за фудбалерот. Финците викаа: „Кристијан“, додека Данците скандираа: „Ериксен“.
За среќа, Ериксен е стабилен и се наоѓа во болница, а неговите соиграчи ќе го доиграат натпреварот со Финска.
Parken hyllar Christian Eriksen. Finska fansen ropar ”Christian”, danska svarar ”Eriksen”. pic.twitter.com/mOFLq3gAqg
— Michael Wagner (@MicGWagner) June 12, 2021