Градоначалникот на општина Штип, Сашко Николов во текот на денов информираше за огнената стихија во тој регион од земјата.
Во текот на ноќта, ветерот донесе еден позитивен правец, каде пто буквално го врати пламенот назад кон изгорениот дел и се стабилизираше. Меѓутоа, утрово повторно неповолен ветер и самиот пожар се движи силно кон селото Доброшани.
Нашите противпожарни единици се таму и бараме поддршка од ЦУК за воздушно гасење, бидејќи во тој дел имаме непристапен дел, каде што гори борова шума. Немаме информации за запалени куќи, бидејќи не е спуштен до селата. Фала богу, немаме ни жртви и се надеваме дека ќе застанеме на ова. За жал, имаме се уште неколку активни пожари во под делот под Богословец и кон Доброшани, изјави Николов за Канал 5 ТВ.
