Можни се уставни измени во делот на цензусот за избор на претседател на државата, вели министерката за правда Рената Дескоска, доколку на престојните претседателски избори не биде постигната потребната излезност на гласачите.
„Менувањето на Уставот со цел да се олесни процесот на избор на претседател е нешто што веќе е препорачано и од ОБСЕ односно ОДИХР“ вели министерката.
„Има две опции:
Едната е претседателот да се избира на непосредни избори без потребно мнозинство (цензус-н.з.) на излезност во вториот круг. Тоа значи кој ќе добие повеќе гласови победува и тука немате можност да минирате избори преку бојкот.
Другата опција е избор на претседател во Собрание’, изјави Дескоска.
За првиот круг на претседателските избори не е потребен цензус, но за вториот круг потребна излесносот 723.253. или 40 проценти од вкупно 1.808.131 гласачи запишани во Избирачкиот список.
