„Тито ја оддели од Србија областа која порано се нарекуваше Вардарска Бановина давајќи и статус на федерална компонента на новата федерална Југославија преименувајќи ја во Народна Република Македонија, а потоа во Социјалистичка Република Македонија. Истовремено, тој почна да ја гради идејата за одделна и различна македонска нација“.
Оваа „експликација“ се уште стои на сајтот на грчкото МНР, и покрај поместувањата кои се прават во релациите меѓу двете земји по Договорот од Преспа, во делот на работата на заедничките комисии и контактите, пишува „Телма“.
„Оваа теза пласирана на сајтот на грчкото МНР не е нова, ново е само името на државата од поранешна југословенска Република Македонија, таа е преименувана во Република Северна Македонија.
Грчкото МНР иако неодамна по официјална реакција на македонското МНР го тргна текстот за македонското прашање од својата официјална веб-страница, повторно го врати„, објави „Телма“.
