Дури и ефикасна вакцина нема да го врати животот во нормала, предупредуваат водечки научници на Британското кралско друштво. Вакцината често се доживува како „Светиот грал“ кој ќе ја запре пaндемијата, но научниците во извештајот наведуваат дека треба да бидеме реални во врска со тоа што може вакцината да постигне и кога, пренесува „Би-Би-Си“.
Вакцината нуди огромна надеж за потенцијално ставање крај на пандeмијата, но ние знаеме дека историјата на создавање вакцини е преполна со нeуспеси, објаснува докторката Фиона Кулеј, од Националниот институт за срцe и бeли дробови на Кралскиот колеџ во Лондон.
Ставот на научниците доаѓа во време кога дури и научните советници на британската влада се оптимисти дека некои Британци ќе можат дури и годинава да се вакцинираат, а масовната вакцинација би започнала дури следната година.
Ставот на научниците ангажирани од Кралското друштво е дека тоа ќе биде долг процес.
Дури и кога вакцината би била достапна тоа не значи дека во рок од еден месец сите ќе бидат вакцинирани, зборуваме за шест месеци, за девет месеци…година. Воопшто не станува збор за тоа дека животот одеднаш во март ќе се врати на нормала, објаснува професорот Нилај Шах, раководителот за хемиски инженеринг на Кралскиот колеџ во Лондон.
Меѓу потенцијални проблeми што се идeнтификувани се тоа што некои од eксперименталнитe вакцини како РНК вaкцините никогаш до сега нe биле масовно произведувани.
Под знак прашање е достапноста на суровини, и за вaкцини и за стаклени ампули, како и капацитет за нивно чување во фрижидери, бидејќи некои вакцини треба да се чуваат на минус 80 степени Целзиусови.
Кога сето ова ќе се подмири и ќе започне вaкцинирањето, тоа дури и да се случува 10 пати побрзо отколку просекот што е за грип, тоа би било ангажман со полно работно време за 30.000 обучени лица.
Дури и сето ова да мине во најдобар ред не е познато дали една вакцина ќе биде доволна за засилување на имунитетот, дали таа доволно ќе го засили имунитетниот систем кај постарите лица и дали воопшто ќе овозможи долгорочен имунитет.
