Мандатарот Зоран Заев денеска го поднесе предлогот за формирање на новата Влада до Собранието. Претходно Заев се обрати кон медиумите, и вети дека македонските граѓани ќе добијат стабилна и ефикасна влада која што ќе се стреми да влече напред. Побара поддршка и од граѓаните.
„Македонските граѓани ќе добијат стабилна и ефикасна влада. Членството во НАТО и ЕУ, добрите меѓусоседски односи, внатрешна кохезија, справување со коронавирусот, нова енергија, и создавање економски развој, образование и ефикасна правда, се приоритетите на оваа влада.
Со мене се денеска 19 министри, сите заедно се обврзуваме дека ќе влечеме напред, дека ќе работиме уште повеќе и уште подобро, ќе побараме од секој вас уште поголемо учество за подобра иднина. Ајде сите заедно да го направиме секое населено место подобра средина за живеење“, рече Заев.