Продолжуваат нападите врз најголемата опозицикса партија од страна на „Месен комитет Мериот“. Откако добија низа на незгодни прашања од страна на нашата редакција изјавите од барателите на Вонреден конгрес во ВМРО-ДПМНЕ пристигнуваат снимени до медиумите, без притоа да има покана до медиумите.
Ваква снимена изјава беше испратена и денеска од страна на иницијативата, а во изјавата говореше Сашо Лазаровски кум на екс министерот за здравство Никола Тодоров. Тој е и поранешен директор на Водовод, а неговата фирма има исклучително добра соработка со јавните претпријатија во Скопје.
Тодоров изминатите три години работи против својата матична партија и е во исклучително добри односи со актуелната власт и високи функционери на СДСМ.
Откако пристигна потврда дека и Сашо Мијалков е дел од иницијативата, на овој начин се комплетира сликата кој впрочем стои зад барањето за Вонреден конгрес.
Огромно мнозинство на членови на ВМРО-ДПМНЕ на социјалните мрежи изразија поддршка за актуелниот претседател на партијата, Христијан Мицкоски, а воедно посочија истите оние кои сега бараат промени во партијата се највиновни за ситуацијата во која партијата сега се наоаѓа.