Од говорот на Заев се гледа дека тој е свесен дека веќе е поразен политичар на овие избори. Тој зборува и живее во минатото и се обидува со гафови да си ги покрие сите криминали во кои е заглавен до гуша, велат од ВМРО-ДПМНЕ.
-Од него на претстојните избори нема да чуете никаква понуда ниту програма, затоа што ја нема. Се обидува со истите партиски флоскули и фрази и со повторување на истите лаги и манипулации да излезе пред граѓаните. Но тоа овој пат не поминува. На граѓаните им е кристално јасно дека тој е “капо ди тути капи“ во рекетарските и криминални шеми во Македонија. Тој бега од одговори на овие прашања како ѓавол од темјан. Може да бега , ама нема да избега, ниту од одговорите ниту од одговорност. Заев ќе остане запаметен во црната македонска историја како премиер, кој покрај тоа што го погази достоинството на државата и на народот, ја претвори Македонија во земја на криминалот и корупцијата, како човек кој штитеше криминал и овозможи куфери и торби со милиони евра изрекетирани пари да ги шетаат неговите блиски, додека народот осиромашуваше. Заев го штитеше криминалот во овие три години од една и единствена причина, затоа што и самиот е криминалец, истакнуваат од партијата.
СДСМ и заев покажаа дека можат единствено повеќе криминал, можат повеќе корупција и можат само порази. Да ставиме крај на виткањето кичма. Исправи се Македонијо! Одбери обнова! Додаваат од таму.