Министерот за здравство, Арбен Таравари, на својот профил на Фејсбук објави фотографија на кои се гледа дека се поставени тријазични табли на скопските клиники.
Од објавата може да се види дека станува збор за клинките за за хематологија и трансфузиона медицина. Натписот е на македонски, албански и англиски јазик. На споделувањето на Фејбук, Таравари на албански јазик напиша: „Ветеното е исполнето. Продолжуваме“.
Поставувањето на новите табли беше едно од првите ветувања на Таравари по стапување на министерската функција. Министерот тогаш најави дека ова е почеток на целосно воведување на албанскиот јазик како втор официјален јазик во рамки на скопскиот Клинички центар.
Додека Таравари фотографира информациони табли, кои биле на албански јазик, и се воодушевува на буквите кои како прв пат во животот да ги гледа, во здравството владее хаос и безредие, кое за жал на крајот се одразува по животот на пациентите.
За само пет дена во Македонија, шест млади животи го загубија животот, а на четири бебиња не ни им почна.
Таравари за ова нема одговор, и наместо образложение, Таравари и директорката на ГАК (куќна пријателка на сопругата на Заев), се обидоа да спречат одржување на прес конференција на која требаше да се зборува за четирите починати бебиња, кои Таравари ги криел.
За ситуацијата да биде уште полоша, денес во Охрид поради негрижа на докторите, животот го загуби двегодишно девојче.
