- Advertisement -
- Advertisement -
Боите на Македонија повторно се веат низ повеќе од 30 града и населени места низ државата. Над 100.000 граѓани се излезени да кажат гласно „не“ за плановите за федерализација, двојазичност и разнебитување на државата. „Не за тиранска платформа“, „Не за Сорос-влада“, „Немојте да лажете, нема да ви помине“, се само дел од пораките испишани на транспарентите што ги носат демонстрантите.
Како и во изминатите денови, најмасовно е во Скопје, каде што неколку десетици илјади граѓани, опремени со македонски знамиња и со црвено-жолти летни, маршираат на потегот од Владата до Собранието. Меѓу насобраните се граѓани од повеќе генерации, а меѓу нив има и голем број уметници, спортисти, лица од јавниот живот.
