Здравствените власти во Мексико започнаа истрага откако младиот лекар остана парализиран кратко време откако ја прими вакцината Фајзер против вирусот корона. Нејзиното семејство побара да се спроведат дополнителни истражувања.
Карли Сесилија Перез беше делумно парализирана во рацете и нозете само неколку часа откако на 30 декември ја прими вакцината од компаниите „Фајзер“ и „Бионтек“ и веднаш беше пренесена во болницата за интензивна нега во мексиканската држава Њу Леон. Според медиумите, таа имала и тешкотии во говорот.
Половина час по примањето на вакцината, Перез имала и напади, осип на кожата, слабост и отежнато дишење, а потоа и бил дијагностициран енцефаломиелитис (воспаление на мозокот и ‘рбетниот мозок).
Таа сега е во стабилна состојба и повеќе нема напади, но нејзиното семејство побара дополнителни тестови за утврдување на потенцијални скриени несакани ефекти вакцина Фајзер против ковид, како и понатамошна анализа на нејзината состојба за да се утврди дали има алергии што може да иницираат екстремна реакција, пренесува РТ.
„Не инсистираме дека тоа е предизвикано од вакцината. Сепак, потребно е да се разјасни дали ова е поврзано со примање на вакцината. Не тврдиме дека тоа била причината. Треба да се направи истражување за да се потврди тоа“, рече Карлос Палестино, братучед на докторот.
Пред вакцинацијата, Перез, наводно, имала несакани алергиски реакции на антибиотиците триметоприм и сулфаметоксазол, што може да предизвика напади, осип на кожата и анафилактичен шок кај некои пациенти.
Во декември 2020 година, Центрите за контрола и превенција на болести на САД објавија најмалку четири случаи на делумна парализа на лицето (парализа на Бел) кај луѓе кои примиле вакцина Пфајзер.
Сепак, мексиканското Министерство за здравство тврди дека не се пријавени случаи на енцефалитис (оток на мозокот) за време на тестирање на луѓе на вакцината Фејзер врз луѓе.
Перез ќе остане под надзор и ќе продолжи да зема терапија, вклучувајќи стероиди и антиконвулзивни лекови, за да се намали ризикот од повторливи несакани ефекти.
Семејството Перез вели дека ја алармирале јавноста со цел да го свртат вниманието на случајот во надеж дека младиот лекар ќе се излечи и дека другите ќе бидат поштедени од слични несакани ефекти, нагласувајќи не се обидуваат да ја одвратат јавноста од вакцинирање.
