Лекарите од болницата Сер Ганга Рам во Њу Делхи објавија дека повеќе од десетина закрепнати пациенти Ковид-19 страдале од сериозна габична инфекција која веќе однесе пет животи.
Габата мукормикоза, која се широ во период од 15-30 дена, е регистрирана како секундарна инфекција кај пациенти со коронавирус во рок од само 2-3 дена, предупредуваат лекарите.
Габата може да доведе до разни страшни исходи, во зависност од тоа каде може да се шири во телото. Во некои случаи, инфекцијата може да бара отстранување на носот и вилицата и исто така може да предизвика трајно губење на видот. Стапката на смртност кај пациенти кај кои габата се шири до мозокот е зачудувачки 50 проценти.
Во текот на последните две недели, хирурзите во Ганга Рам мораа да извршат операции на 10 пациенти за да го отстранат заразеното ткиво. Половина од пациентите го изгубиле видот додека петмина починале.
Д-р Маниш Мунџал, постар хирург во Ганга Рам, објасни за индиската новинска агенција АНИ дека габата мукормикоза ги мачи пациентите чиј имунолошки систем е многу ослабен од новиот коронавирус.
Габата се чини влегува во организмот на домаќинот искористувајќи ги одговорите на имунолошкиот систем со цитокин, испровоцирани од големи дози на стероиди кои обично се даваат на пациенти со Ковид-19.
„Овозможува мукурмикозата да помине низ коренот на носот до очите и мозокот и, доколку не се открие, може да доведе до смрт на над 50 проценти од случаите за неколку дена“, изјави Мунџал за АНИ.
Според водечкиот експерт за инфективни болести во Индија, д-р Атул Пател, 19-те случаи на мукормикоза кај закрепнати пациенти со Ковид-19, регистрирани во последните три месеци се веќе значителен скок.
„Ова е 4,5 пати повисоко од случаите пријавени конвенционално пред пандемијата“, рече Пател, додавајќи: „Ова е сериозно прашање и давателите на здравствени услуги треба да бидат крајно претпазливи“.
Критично е инфекцијата да биде забележана рано, во фазата каде што превентивната клиничка интервенција ќе биде одржлив третман.
Симптомите на мукормикоза може да вклучуваат едностран оток на лицето, главоболки, треска, назална конгестија и појава на растечки црни дамки на носот или во внатрешноста на устата, според американскиот Центар за контрола и превенција на болести.
