Андреа Крисанти е еден од најпознатите вирусолози кој е во првите редови на борбата против коронавирусот во Италија. За време на пандемијата во Италија, тој спроведе анализа врз граѓаните на гратчето Во ко се наоѓа во провинцијата падова на северот на земјата, откривајќи дека повеќето луѓе, иако без симптоми, биле позитивни и заразни.
„Властите даваат упатства за тоа кој добива респиратор, а кој не, граѓаните се лутат: Се играме со Бога“ вели Крисанти
Тој ја стекна меѓународната слава работејќи како професор на Империал колеџ во Лондон, како директор за молекуларна медицина и професор на Катедрата за епидемиологија и вирологија на Универзитетот во Падова. Тој истот така ја нападна СЗО, затоа што дала погрешни индикации.
„Ни дадоа целосно погрешни индикации, ние обрнувавме внимание само на лицата со симптоми и на оние со тешки респираторни проблеми, на луѓето кои имаа контакти со Кина или со болни луѓе. Тоа не забави многу, не знаевме дека има и пациенти без симптоми, ако го знаевме тоа, ќе се однесувавме поинаку.“ истакна Крисанти и додаде:
„Светската здравствена организација отиде во Кина за да види што се случува таму со епидемијата, искрено, не знам што најдоа таму и што истражуваа, ги менуваа одредбите од ден на ден и јас не сум единствениот што го кажува тоа – Светската здравствена организација е бирократска институција и треба да видиме како тие ќе се однесуваат во иднина, затоа што има многу работи што треба да се променат овде“.
Крисанти го коментираше почетокот на проблемот и улогата на Кина. Тој ја отфрли можноста вирусот да биде направен во лабораторија.
„Кина е критикувана од сите, не мора сега да ја критикувам. Тие знаеја за вирусот во средината на ноември, а веста му ја дадоа на светот кон средината на јануари. Тие не ги спомнаа пациентите без симптоми, мислам дека Кина требаше да постапи поправилно.
