Од она што го соопшти претседателот на Република Македонија, Стево Пендаровски на денешната пресконференција се очекува дека бројот на заболени од КОВИД- 19 и натаму да расте. Но Инфомакс постави и прашање кое е надвор од темата, односно побара коментар од претседателот за последниот извештај на Стејт департментот за Македонија во кој нашата држава бележи пад во слободата на медиуми, зголемено ниво на криминал и корупција.
-Во делот на извештаите на Стејт департментот тие имаат една структура која не е стандардна, не иста со она што го прават специјализираните организации во таа смисла, на пример кои следат слобода на медиумите. Тие пренесуваат што другите специјализирани агенции кажуваат во една област, на пример криминал, слобода на медиуми, криминал. лица со посебни потреби итн. Така да во делот на извештајот на Стејт департментот нема дека има пад на медиумската слобода тоа е сигурно. И тие цитираат други организации. Што забележуваат од Стејт департментот ќе кажам прво начелно дека извештајот на Стејт департментот е најдобар во изминативе 10 години сигурно по сите параметри, но има и забелешки, забелешките се во делот на високата корупција и тука болката си ја знаеме. Што е интересно да се вратам на оваа област во која сте вие и која не интересира сите нас бидејќи е столб на секоја држава, говориме за слободата на медиуми. Во делот на медиумите се чувствува ниво на самоцензура, но не вели дека тоа го прават политичките авторитети, вели Пендаровски.
https://www.facebook.com/iNFOMAX.mk/videos/206772953914633/
