Во клучниот момент на дефинирање на неговото претседателско наследство, Доналд Трамп доби контрадикторни пораки од неговите најблиски советници – неговите најстари деца, додека размислува за следниот потег во контекст на поразот на изборите.
Додека неговите синови Доналд Трамп Јуниор и Ерик Трамп го советува својот татко да продолжи да се бори и да не се откажува од тужбата, неговата ќерка и советникот во Белата куќа Иванка Трамп бара начини претседателот да го спаси образот додека размислува за неговите следни потези, потврдија неколку извори за Си-Ен-Ен.
Најстарите синови на Доналд Трамп сметаат дека нивниот татко треба да ја продолжи агресивната борба до самиот крај, повикувајќи се на неосновани обвинувања за кражба на глас на изборите
Иванка Трамп и нејзиниот сопруг Џеред Кушнер имаат малку поинакво мислење.
Тие сметаат дека Трамп треба да се откаже од трката откако ќе заврши пребројувањето на гласовите во Џорџија на 20 ноември.
Двојката не верува дека борбата на суд ќе ги промени резултатите од претседателските избори.Сепак, тие сметаат дека треба да се превземе нешто поумерен пристап до крајот на правната битка и пребројувањето на гласовите. Иванка и Џaред сметаат дека на тој начин може да се обезбеди интегритет на претстојните претседателски избори, со зголемена чувствителност кон Трамп.
Иванка Трамп му испрати порачуна порака на нејзиниот татко отколку неговите најстари синови и го праша дали вреди да се оцрни неговото наследство од претседателството и потенцијално да му наштети на неговите приватни работи продолжувајќи да одбива да признае пораз, тврди извор запознат со ситуацијата.
Таа е приватно реална во врска со загубата на Трамп на изборите, а исто така знае дека нејзината иднина, сега повеќе од кога било, е поврзана со нејзиниот татко и дека ова прашање треба внимателно да се третира.
Портпарол на Белата куќа одби да ги коментира обвинувањата за Си-Ен-Ен, како и портпаролот на Доналд Трамп јуниор.
