- Advertisement -
- Advertisement -
САД не успеаја да ја исполнат целта на претседателот Џо Бајден за процентот на луѓе вакцинирани до Денот на независноста, јавија американските медиуми.
Бајден сакаше 70 проценти од сите возрасни лица во САД да примат барем една доза на вакцина до 4 јули. Досега, сепак, вакцинирани се само 67 проценти или 173 милиони луѓе.
Околу 58 проценти од возрасните Американци се целосно вакцинирани, што значи дека примиле две дози вакцини против Ковид-19.
Владиниот координатор за коронавирус, Џеф Зајнц, негираше дека нема интерес за вакцинација.
Во просек, околу милион луѓе се вакцинираат дневно – значително помалку отколку во екот на кампањата за имунизација пред неколку месеци, кога дневниот број на вакцинирани достигна повеќе од три милиони.
