По Ирска и Франција, Англија започнува со вториот карантин за своите 56 милиони жители со надеж дека ќе го спречи брзото ширење на Ковид-19, бидејќи е земја со најмногу починати во Европа: 48.000 смртни случаи.
Продавниците што не продаваат прехранбени производи ќе мора да се затворат, а угостителските објекти ќе можат да вршат само деливери. Училиштата, пак, остануваат отворени.
За да се смири загриженоста, британскиот премиер Борис Џонсон ветил дека затворањето ќе заврши на 2 декември, но лудилото се случило ноќта пред локдаунот.
Total traffic chaos in London @RT_America @InQuestionRT @ManilaChan pic.twitter.com/mVGBQUSI3z
— George Galloway (@georgegalloway) November 4, 2020
Бегајќи од Лондон пред да биде затворен на полноќ, десетици илјади возачи се нашле на улиците предизвикувајќи невиден сообраќаен метеж и колони од неверојатни 2.000 километри кои се протегале низ градот, со што се случил хаос на патиштата предизвикувајќи неколку сообраќајни несреќи.
Видео линкот може да го погледнете тука.
Покрај возачите кои бегале од градот, во колоната биле и оние кои заминале да го направат последниот шопинг, а имаше и такви кои отишле со друштвото во кафулињата за да ја испијат последната чашка алкохол пред локдаунот да стапи на сила.
Низ целата земја групи луѓе се собирале по баровите и пабовите кои ги намалија цените на пивото за да не мора да ги истураат по затворањето.
Големата гужва и забавите од претежно помладата популација пред пабовите кои морале да ги затворат вратите во 22 часот биле следени од полицијата, а некои биле уапсени, пишува „Дејли Мејл“.
„Не само што ги нападнаа полицајците кои се обидуваа да ја растераат толпата, туку ги прекршија мерките за Ковид-19, стотици пиеја алкохол, се мешаа со луѓе од други друштва и ја игнорираа социјалната дистанца“, изјавил главниот инспектор на Мерсисајд, Гери О’Рурк.
