Верувам во промени, промените секогаш носат добри работи, но исто така верувам во одлуките на премиерот и сигурна сум дека ќе ги направи врз основа на учинок на секој од нас како министри и врз основа на задоволството на граѓаните, истакна денеска министерката за труд и социјална политика Мила Царовска, одговарајќи на новинарско прашање во врска со тоа кои се нејзините очекувања од вечерашната седница на Централен одбор на СДСМ.
Царовска не верува дека премиерот може да згреши во своите процени и смета дека тие мора да бидат заповед.
– Сметам дека одлуките кои ќе ги донесе премиерот се соодветни и дека врз основа на се што сме направиле тој ќе процени дали е добро, дали е лoшo, рече Царовска, одговарајќи на новинарско прашање по прес-конференцијата за имплементацијата на социјалната реформа.
