Министерот за надворешни работи на Тајван, Џозеф Ву, во провокативно интервју за австралиската програма предупреди дека Тајван се подготвува за војна со Кина и го повика својот поголем индо-пацифички сосед да помогне.
Ву рече дека неговата нација ќе го одбие секој претстоен напад: „Одбраната на Тајван е во наши раце, и ние сме апсолутно посветени на тоа“, рече тој за Стен Грант шоу на Еј -Би -Си њуз.
Интервјуто треба да се емитува во понеделник навечер (локално време). „Ако Кина започне војна против Тајван, ние ќе се бориме до крај, и тоа е нашата обврска“. Тој упати апел до лидерите на Австралија за поголема поддршка на Тајван за време на растечката криза и престојниот конфликт.
„Сигурен сум дека ако Кина започне напад против Тајван, тие ќе страдаат “, се закани Ву. Оваа изјава доаѓа по упадот на кинески авиони во петокот и саботата во воздушниот простор на Тајван. Во петокот се забележани вкупно 38 авиони кои летаат кон Тајван, додека во саботата 39.
„Досега, нашите односи со Австралија [се] многу добри и тоа е она што го цениме“, додаде Ву.
Кина веќе даде одговор на овие најнови провокативни изјави од Тајван, испраќајќи во понеделник рекордни 52 авиони за да ја пробијат југозападната одбранбена зона.
г.
