Северна Кореја одржа јавно погубување со цел да казни човек за кршење на правилата воведени поради коронавирусот, велат информирани извори од таа земја, пренесе Би Би Си.
Тој бил обвинет за шверц преку запечатената кинеска граница и бил убиен на 28 ноември со цел да се исплашат луѓето и со тоа да ги почитуваат правилата.
Иако Северна Кореја официјално тврди дека немала случаи „Ковид-19“, режимот на Ким Јонг Ун воведе „исклучително високи мерки за карантин“ и на војниците им е наредено да пукаат во минувачите на кинеската граница, велат изворите од Јужна Кореја и додаваат:
– Тие имаа јавно погубување со стрелачки вод за да им се закануваат на жителите тука во пограничната област, бидејќи имаше многу контакти со луѓе од другата страна на границата, вклучително и многу криумчарење.
Убиениот наводно имал педесетина години и бил обвинет за криумчарење со кинески деловни партнери преку границата, која е затворена во поголемиот дел од 2020 година.
