Антонио Конте не успеа со Интер да стигне до пресврт во Торино против Јувентус и да обезбеди пласман во финалето од Купот на Италија.
Јуве пред седум дена славеше на „Џузепе Меаца“ со 1-2, па синоќа без поголеми проблеми одбрани конечни 0-0 за пласман во финалето.
А, дека Конте не знае да поднесе пораз покажа со потегот на крајот од дуелот. При заминувањето во соблекувалната Конте покажа среден прст кон раководството на „Старата дама“. Камерите снимија дека „поздравот“ беше упатен кон првиот човек на Јувентус, Андреа Ањели.
Dito medio di #Conte al termine di #JuveInter all’indirizzo della dirigenza della #Juventus 📺 pic.twitter.com/vcY0onu8yr
— Giovanni Albanese (@GiovaAlbanese) February 9, 2021
Ниту шефот на Јувентус не остана должен кон поранешниот соработник во клубот, па набрзо му порача:
„Одје.и и замолкни веќе еднаш шупаку“.
Конте и Ањели беа исклучително добри пријатели. Заедно го почнаа проектот за враќање на Јувентус на врвот во италијанскиот фудбал, соработувајќи од 2011 до 2014 година. Тогаш Конте освои три шампионски титули со Јуве, но по овој последен потег јасно е дека вратата на тимот од Торинот долго ќе биде затворена за него.
⚽️🎥 Así fue el momento de alta tensión entre el entrenador del #Inter, Antonio Conte, y el presidente de la #Juventus, Andrea Agnelli. pic.twitter.com/SVYhpWU0rO
— Pipe Sierra (@PipeSierraR) February 10, 2021